پیداوارِ زائد

فصلِ چہارم:۔ پیداوارِ زائد

مصنوعات کا جو حصہ قدرِ زائد کو بیان کرتاہے (فصلِ دوم میں دی گئی مثال کی رو سے 20پونڈ وزن کی سوت کا دسواں حصہ یا پھر 2پونڈ وزن کی سوت)اس کو ہم پیداوارِ زائد کا نام دیتے ہیں۔ جیسے قدرِ زائد کی شرح کُل سرمایے کی رقم سے نہیں بلکہ اس کے متغیر حصے سے تعلق سے متعین کی جاتی ہے ، اسی طرح پیداوار ِ زائد کی متعلقاتی مقدار کا تعین اس تناسب سے نہیں ہوتا جو یہ کُل پیداوار کے باقی ماندہ حصے سے رکھتی ہے نہیں بلکہ اُس کے اس حصے سے جس میں محنِ لازم مجتمع ہوا ہے۔ چونکہ قدرِ زائد کی پیداوار ہی سرمایہ دار انہ طریق پیداوار کا منشاو منتہا ہوتا ہے تو اس سے یہ بات واضح ہو جاتی ہے کہ ایک فرد یا ایک قوم کی دولت کی بہتات کو پیداوار کی مطلق مقدار سے نہیں بلکہ پیداوارِ زائد کے متعلقاتی حجم سے متعین کیا جا سکتا ہے ۔13؂

محنِ لازم اور محنِ زائد کا مجموعہ ، مطلب یہ کہ وقت کے ان وقفوں کا جن کے دوران وہ اپنی قوتِ محن کی قدر کی بحالی کرتا ہے اور قدرِ زائد پیدا کرتا ہے، یہ مجموعہ اس حقیقی وقت کی تشکیل کرتاہے جس کے دوران وہ کام کرتا ہے، یعنی دہاڑی۔